साथ नांई छोड़ना दिल नांई चोड़ना
मेरी झूरीए मेरी झूरीए।
चांऔ तेरी खातिरौ पौड़ौ जुग छोड़ना
मेरी झूरीए मेरी झूरीए ।

बेगी तरसाऔ मूँ हाए तेरा रूशणा
मेरी झूरीए मेरी झूरीए ।
ऐबै नांई गौंपीदा मेरै आशू टूशणा
मेरी झूरीए मेरी झूरीए ।

चोऊ धैड़ेरे औ जिन्दड़े कैंई मूँ टालना
मेरी झूरीए मेरी झूरीए ।
खाए हेड़े कौसमौ तॉंई सौंगै चालणा
मेरी झूरीए मेरी झूरीए ।

ताँ भी ज़ाणी देखीओ लागौ ज़िऊटू दा तीरौ
मेरी झूरीए मेरी झूरीए ।
तेरै ज़ाणी नौखरै मेरा कालज़ा नै च़ीरौ
मेरी झूरीए मेरी झूरीए ।

तेरी मेरी आखटी मिलणे खी तौरशौ
मेरी झूरीए मेरी झूरीए ।
तेरी बोलौ यादौ दी दिन राती बौरसौ
मेरी झूरीए मेरी झूरीए ।

लाए तू मेरे हाथो दे मैंहदे भाभिए, मेरी दाई रे ऋ हाए रे
मेरी दाई रे शादे रे भाभिए, मेरी दाई रे।
इणे मिलौले ना बाण्ठणे भाभिए, जिणे औसौ हाए
जिणे औसौ मेरे दादे रे भाभिए, जिणे औसौ हाए।

कौरौ दुर्गा माई रे भाइओ तुमै जै जै
तुमै जै जै कौरौ रे भाइओ तुमै जै जै।
हुऔ सौभी खी खुशी रे मौके, आशौ सौभी खी
आशौ सौभी खे त्यौहारौ रे भाइओ, आशौ सौभी खी।

लाओ दाई रे नाको दे तिलटे, हाथौ मैंहदे
हाथौ मैंहदे लाओ रे भाभिए, हाथौ मैंहदे।
आशौ छोटिए दाई रे साथो री, गीत शादी रै
गीत शादी रै गाओ रे भाभिए, गीत शादी रै।

बामै दाई खै मेरिए भाभिए नौवे रेशमी, हाए रे
नौवे रेशमी साड़े रे भाभिए, नौवे रेशमी।
देखै भाभिए शादी रे सूटो दे किणे जौचो ले
किणे जौचो ले लाड़े रे भाभिए, किणे जौचो ले।

इणे चौमको दाई रे बिन्दे, जिणा गौणी, हाए रे
जिणा गौणी तारा रे भाभिए, जिणा गौणी।
तेऔ देखीओ बोलौ ऐ ज़ीज़ा, मौए दिलड़ू, हाए रे
मौए दिलड़ू हारा रे भाभिए, मौए दिलड़ू।

मेरी दादी री आखी दा सुरमा, बेगी लागो पी
बेगी लागो पियारा रे भाभिए, बेगी लागो पी।
ईणा शुणा आमैऋ ज़ीज़ै रा नौखरा, औसो सौबी खू
औसो सौबी खू नियारा रे भाभिए, औसो सौबी खू।

इणे सौज़ो ले दाई रे नाको दे, देख सूनै रे
देख सूनै रे तीले रे भाभिए देख सूनै रे।
ज़ीज़ा बोलौ हाए देख रे भाभिए राती सुपणै
राती सुपणै मिले रे भाभिए, राती सुपणै।

इणे लागो मेरी दाई रे हाथड़ू, जिणे फूलौ रे
जिणे फूलौ रे डाले रे भाभिए, जिणे फूलौ रे।
ओरो आणो हाए, पाणी रा लोटड़ू, साथी फूलौ रे
साथी फूलौ रे थाले रे भाभिए, साथी फूलौ रे।

आशो सौभी छोटे बौड़ैओ भाइओ, लाओ दाई खै
लाओ दाई खै टीका रे भाभिए, लाओ दाई खै
तेथा पौड़ा हाए डेओणा दादिए, ज़ेथा कौरमौ
ज़ेथा कौरमौ लिखा रे दादिए, ज़ेथा कौरमौ।

गौमो साथी हुऔ खुशी मौके, सुखौ साथी ऋ हाए रे
सुखौ साथी हुऔ दुखौ रे भाभिए, सुखौ साथी।
आच्छा च़ॉंई मेरी दाई रा शाओरा, मिलौ दाई खै
मिलौ दाई खी सुखौ रे भाभिए, मिलौ दाई खै।

सात फेरा लाई हेड़ा रे दादिए, आग हवनाऋ हाए रे
आग हवना रे ज़ाले रे दादिए, आग हवना।
आज़ ताईं रौए बापू रे घौरो खै, एबै शाओरे, हाए रे
एबै शाओरे आले रे दादिए़, एबै शाओरे।

पेओके रे ना फिकरौ कौरे, घौर मालको, हाए रे
मालको रा बसाए रे दादिए, घौर मालको।
छो़ट लागो ले केबड़ी, थोडड़े, आमू मिलदे, हाए रे
आमू मिलदे भी आए रे दादिए, आमू मिलदे ।

ऐबे शौरा बापू री ज़ागे दी, माओ साबणी, हाए रे
माओ साबणी शाशू रे दादिए, माओ साबणी।
रूए नाँईं ऐबे मेरिए दादिए, पोरू गूशे, हाए रे
पोरू गूशे तू आशू रे दादिए, पोरू गूशे।

दादी रै घौरो गाशी बोलो हाटो री माईए, छा़ड़ै नौदरौ
छा़ड़ै नौदरौ, हाटो री माईए, छा़ड़ै नौदरौ।
मेरी दादी ओ ज़ीज़ा रा चाँईं बै उमरौ रो
उमरौ रो साथौ रे माईए, उमरौ रो ॥

घोड़ी गाशी आशो लॅंगड़ो लाड़ो, देख कौर दो शादीए, मेरीए दादिए।
जिशी बियाली खौरै दपारै खोलो दारू रै आदिए॥

एकी आखी रो देखणो लाड़ो, एकी आखी रो काणो। देख तू लाड़िए
छेड़ो सौबी हाए छोटी, छेओड़ी, फिरो आपूखी सियाणो॥

देखो तुमै एस लाड़े री टौर, लाओ ज़ीनौ री पैन्टो।
ललचाऊणे गॉंवो री छोटी, लाओ मुँऔ दे सैन्टो॥

देखो भाइओ लाड़ी रे शाशू, देओ कौमरौ दे मेकै।
हॉंडीदो नॉंईं सौमे दो इॅंयौरै, हाए, डींगै रै टेकै॥

मालौ गाशी चाला हाए तेरो शौऊरा, ज़ाला हाथो दे बीड़े। देख तू लाड़िए
मेमौ देखिओ फौशड़े टाँगो, चूटे माऊॅं रे चीड़े॥

ऐबै देखौ तुए लाड़े रे बौइणौ, कालै माशो रे जाए।
चटक मटक हाण्डो ले जीणै, सेंट बीडज़ को आए रे॥

इणे गाई माहरे लाड़े रे बूआ, औसौ कान्ज़रे काणे।
नाज़ुक फिरौ ऐ आपूखी जाणता, सूनै तोलिओ चाणे॥

लाड़े आसो महारे सौबी कौ बाण्ठणे, लाड़ा ओर भी चाणी।
लाड़ी दे रौणी हेरे लाडेय़ा, तॉंऔ देई लाड़ी री नानी॥

ऐज़ा थिया बोलो हाए तेरा शाओरा, देखा इणा तुए केबी। देख तू लाड़िए
देखी भालियो रिश्ता लाई, शादे कौरणे ज़ेबी ॥

On a warm sunny day
I hate work in the bow’ry
And say, O father mine
Do give away my dowry.

I know not the art of winnow
And idle my time in the bow’ry
Ay! Father I want not to stay
O! Please do give my dowry away.

On a glazed high stair case
An iv’ry comb in my hair
Why gaze at me, why my love?
I now belong elsewhere.

My father-in-law is good t’me
Mother-in-law a thousand spears.
And though my eyes are wet with weeping
There is no one to wipe my tears.

In scorching sun and heat
I feel saddened and lazy
And my sister-in-law?
Her curses drive me crazy.

No, I know not the art of milch.
No, I know not how to grin’ wheat
At even hour come many a guest
Whom I know not the manner to greet.

O! My eyes are full of flames
Cats and dogs, cats and dogs
Cats and dogs, do I weep.
In high uneasy nights
Wondering which side should I sleep?

My husband works in Shimla
My brother-in-law is a burglar
For others he gets suits and boots
But O! For me, not ev’n a muffler.

***